حظك اليوم برج العقرب الخميس 7/6/2018 إحترس من الميكروبات

حظك اليوم برج العقرب عاطفيا

( الكراش والإكس والبوي فريند والجيرل فريند والجوز والزوجة والقرايب ):

عاطفيا خد بالك حبة من طريقة كلامك مع اللي بتحبهم وحاول تقلل العناد النهاردة سنة بسيطة خالص.. المرونة هتنفعك وهتصب ف مصلحتك بشكل جامد.. ثق ف كدة

حظك اليوم برج العقرب عملياً

( الشغل والمذاكرة والتخطيط لبكرة ):

عمليا حاول تاخد بريك او اجازة لو عيان وتقعد ف البيت عشان متعديش حد بميكروباتك.. اما لو سليم ف يستحسن برضة تاخد اجازة عشان الجو حر وخطر عليك تخرج..

حظك اليوم برج العقرب صحياً

( نفسيا وجسمانيا وكل مايخص طاسة المزاج ):

خد بالك من نفسك عشان الجو كله ميكروبات والناس اللي عيانة ماشية تعدي السليم اللي باقي بكحتها وعطسها بشكل سخيف.. غذائيا ركز ف الأكل الصحي حبة الخفيف زي شوربة الخضار او شوربة الفراخ او اي حاجة تعجبك المهم تاكل كويس عشان تخف لو عيان بسرعة ومتقعدش تتشحتف وتشحتفنا معاك..

إعرف توافق برج العقرب مع باقي الأبراج النهاردة:

متوافق مع الابراج المائية والهوائية والزغلولية والحبشتكانية والحمصية والسمسمية والحللولية والبربوشية..

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.