عصام كاريكا: الستات قبل الرجالة بيحبوا يتفرجوا على هيفاء وهبي.. وهذا رأيي في روبي

قال الفنان عصام كاريكا: "هيفاء وهبي نجمة مبهرة وابتدت تشتغل على نفسها، وزمان كانت أغانيها على قد الصوت إنما دلوقتي أغانيها بتوصل للناس كلها".

حفل هيفاء وهبي في تونس

وأضاف خلال لقائه ببرنامج "الستات" المذاع على قناة "النهار": "كان عندي حفلة مع هيفاء وهبي في تونس وشوفت الستات قبل الرجالة مستنينها بس تطلع علشان يتفرجوا عليها ويصوروها، وبيحبوا شكلها ولبسها وطريقتها وذوقها مش موضوع صوت بس".

تصنيف روبي

وتابع: "الفنانة روبي دلوقتي صف أول وبتعرف تختار أغانيها، وشوفتها في الساحل الشمالي حفلتها مكسرة الدنيا كلها والناس كلها مستنية تسمعها".

انتقاء روبي لأغانيها

وأضاف: "روبي بتعرف تنقي الأغنية الحلوة اللي لايقة عليها وعلى حجم صوتها".