السيسي للخريجين الجدد: دور الجيش يضحي عشان تبقى البلد آمنة

وجه الرئيس عبدالفتاح السيسي، كلمة للخريجين الجدد من الكليات العسكرية، مرددا: "مش هنسى أقول كلمة للظباط الجدد، خلوا بالكم انتوا دوركم كبير ولو شفتوا التضحيات اللي اتقدمت، مش بس على مدار 7 سنين، أو 8 ولكن على مدار التاريخ".

وأضاف خلال كلمته بحفل تخرج دفعات جديدة من الكليات العسكرية، اليوم الخميس،: "كان عندنا شهداء ومصابين خلال حربنا على الإرهاب، ولازم نأكد إن إحنا مش بس الدولة، ولا أنا ولا الحكومة، كل إنسان مصري يفتكر كويس أوي إن في أسرة قدمت ابنها وبقى شهيد، بعد ما بقى شاب جميل، عشان إحنا نعيش".

وتابع: "هو ده دور الجيش يحمي الوطن ويصون، ويضحي عشان تبقى البلد ثابتة آمنة سالمة إن شاء الله".

وواصل: "بقولكم وبقول اللأهالي افرحوا ومبروك وربنا يوفقكم إن شاء الله، بدأت المسئولية عليكم، بس انتوا قدها بالتعليم اللي اتعلمتوه، بالتأهيل اللي اتأهلتوه، وإن شاء الله تكون خطوة للامام، ربنا يوفقكم ويحفظكم ويحفظ مصر".