فتاة تحذر المواطنين من خدمة «كريم».. دينا: سرقوا مني شنطتي (صور)

اشتعلت صفحات التواصل الاجتماعي بشكاوى المواطنين ضد خدمة «كريم» للتوصيل السريع، وقالت دينا السيد، إحدى المواطنات، على صفحتها الشخصية«فيس بوك» إنها تعرضت لحادث سرقة بالإكراه، محذرة المواطنين من الاستعانه بهذه الخدمة وقالت عبر صفحتها:

«مكنتش أتخيل أبدًا أني أعيش تجربة من اللي بسمع عنهم في الإعلام أو الفيس بوك أو السوشيال ميديا بوجه عام، لكن واضح أن ده بقي واقع مر بنعيشه.. شركة كريم اللي الواحد كان فاكر أنها حاجة محترمة وأمان لينا كبنات، يوم السبت ١/٩/٢٠١٨ الساعة الثالثة عصرًا طلبت من الأبليكشن الخاص بكريم رحلة لتوصيلي في منطقة التجمع الخامس».

وتابعت: «تعرضت لسرقة بالإكراة باستخدام سلاح أبيض من الكابتن وسرق شنطتي ومحتوياتها من فلوس وكارنيهات والبطاقة.. أول ما ركبت وقبل ما يتحرك وريته اللوكشن اللي المفروض أنا عايزة أوصله من على موبيلي، وقولتله ابعتهولك؟، قالي لا خلاص مش مهم».

واستطردت: «المفروض أنها كانت هتبقى رحلة قصيرة حسب معلومتي من الناس اللي رايحه ليهم.. فضل يلف ويدور في المكان ووقف العربية في شارع هادئ وقفل اللوك ولاقيته مطلع زي مطواة وقالي أخرسي وخد مني الشنطة».