تامر حسني يوجه رسالة لـ أحمد ثروت: بإيدك تحول المحنة لمنحة

وجه الفنان تامر حسني، رسالة لـ المخرج والمطرب أحمد ثروت نجل الفنان محمد ثروت بعد إصابته بمرض مناعي نادر "ميلر فيشر" وسفره للعلاج بالخارج.

تامر حسني يدعم أحمد ثروت

ونشر المطرب تامر حسني، مقطع فيديو عبر موقع التواصل الاجتماعي "انستجرام" لـ أحمد ثروت وكتب: "أحمد ثروت صديقي وابن الفنان الغالي اوي المطرب الكبير محمد ثروت بمنتهي الحب والرضا والإيمان تقبل محنه كبيرة من ربنا انه يصاب بمرض نادر يأثر على رجله وميمشيش، وكان بيحضر لزواجه".

 

رسالة تامر حسني

وأضاف تامر حسني: "وفي كلامي معاه قولتله انا كنت بكلمك اهون عليك والحقيقة لاقيته مش محتاج وهو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بإيدك تحول المحنة لمنحة وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي".

وتابع تامر حسني: "وفضل يحكي طول المكالمة عن حب أسرته واهتمامهم بيه وإخلاص خطيبته وقد ايه الموقف بين معدنها الأصيل وازاي بتسانذه وبتسهر على راحته طول الوقت، انا كمان بشكرهم وبشكرها جدا وبحييها على قلبها وتربيتها الأصيلة".

وأكمل تامر حسني: "ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة اللي أنا شوفتها النهاردة وأفرح معاك في فرحك قريب إن شاء الله، ادعوله معايا يا شباب ربنا يشفيه ويشفي كل مريض