عصام كاريكا يوجه رسالة لأنغام ويكشف عن أغنية جديدة لمحمد منير (فيديو)

عصام كاريكا، قال الفنان عصام كاريكا: "أنا باقول على أمنية ليا وبطلب في كل البرامج اللي بظهر فيها ومبتحصلش.. ليه مش عارف بجد.. نفسي أشتغل مع الفنانة أنغام".

 

أمنية عصام كاريكا

وأضاف خلال لقائه ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي": "لو عملت حاجة لأنغام هتكسر الدنيا، لو لحنت لها هنكسر الدنيا".

ألحان شيرين عبد الوهاب ومطربات الوطن العربي

ولفت: "أنا لحنت لشيرين عبد الوهاب، وديانا حداد ونوال الزغبي وبسكال مشعلاني وناس كتير بس ناقصني أعمل مع أنغام".

تجربة عصام كاريكا مع محمد منير

وأشار: “محمد منير فنان ومطرب مفيش زيه، وتجربتي معاه كانت في أغنية ”أنا عمر عيني ما دمعت"، كلمات مصطفى كامل، واتقابلنا في بيته، وبعد لما سمع اللحن قال لي الأغنية دي بتاعتي".

أغنية جديدة لمحمد منير

وتابع: “كنا بنغني من شهر في العريش، وقعدنا في جناح محمد منير، واختار غنوة جديدة اسمها ”أنا الذي"، واتفقنا عليها وكمان يومين تلاتة هنسجلها".

 

في نفس اللقاء، قال الفنان عصام كاريكا: "قعدت مهتم بالغناء من سنة 2004 إلى 2014 وبعدين ابتديت معملش لنفسي أغاني، ولو عندي أي غنوة عجبت أي مطرب أعطيها له".

اهتمام عصام كاريكا بالتلحين

وأضاف: "بقيت اهتم بعصام كاريكا الملحن اللي له قيمة، وأنا شايف نفسي كملحن أقوى من مطرب، وفيه 100 ممثل ومطرب غنولي ومنهم محمد هنيدي وأحمد حلمي ونيللي ومحمد سعد وأحمد أدم وفؤاد المهندس وعبد المنعم مدبولي وعبلة كاملة وحسن حسني ومي عز الدين ومنة شلبي وغادة عبد الرازق".

فوازير عمو فؤاد

ولفت: "في فترة من الفترات كنت أنا اللى بعمل كل الأفلام اللي في السوق وكل المسرحيات والمسلسلات، ولحنت فوازير عمو فؤاد".

وفي سياق متصل، انتهى عصام كاريكا من تلحين مجموعة من الأغنيات الجديدة لعدد من كبار النجوم مثل محمد منير وراغب علامة ومحمد فؤاد وإيهاب توفيق ستظهر إلى النور خلال الأسابيع والشهور المقبلة.