(ترعة السبيل)

يا أمه لو حد إتصل بي

إبقي قولي

عند ترعة السبيل

عند دار الجده عايشه

اللي عايشه

 رغم أنف المستحيل

اللي صوتها نشيد بيروي

تاريخ عرابي

 لما خانه سلاح عويل

سكة النخل اللي دابت

من حكاوي كل جيل

صوت سباعي  لما نادي

 نادره مرته

علقي علي شاي يا نادره

 يكون تقيل

والمصلي اللي هله

بجسم راكع كان نحيل

وعم فتحي حكايه تانيه

من زمان خد يا أفندي

وأه ياليل

هي دي بلادي يا ساده

ناس بتزرع ناس بتقلع

ناس تردلها الجميل

ستي عايشه هي مصر

ومصر بنت  تاريخ طويل 

مش هراضي غيرها هي

وفرو الدوشه الغبيه

مش مأمن غير لخوفها

لما مصر تخاف عليا

مش هصدق غير عنيها

مش هطاطي الا ليها

هلمس التراب ابوسه

تطرح الارض الذكيه

هي دوله مش مقاوله

واللي كارهك مش قضيه

ييجي بين جيشك وشعبك

يتفرم بإيدين عفيه

ونكمل بكره يا بلادي

سيد فهيم