عاجل..شيما صابر تفتح النار بسبب اتهام رامي صبري بالتفويت للأهلي

حرصت الإعلامية شيما صابر، على الدفاع عن زوجها رامي صبري لاعب نادي إنبي، بعد حملات التشكيك والاتهامات التي طالت اللاعب عقب مباراة الأهلي امس في الدوري.

َكانت بعض المنصات المنسوبة للزمالك هاجمت اللاعب، وادعت أنه أدى برعونة أمام الأهلي، رغم أن صبري حمى شباك فريقه من أهداف محققة في أكثر من مرة.

وقال شيما صابر في تصريحات لها عبر فيس بوك: في ناس بالنسبة ليها كره القدم 20 لاعب بيجرو ورا كورة واللي يجيب جول بيكسب و في ناس فاهمين إن كل لاعب في الملعب بيكون ليه دور بيحدده المدير الفني قبل اللقاء و في لقاء الاهلي رامي كان ماسك بواليا الا في الكور الثابته كان بيلعب علي ياسر ابراهيم لانه الاخطر في الحتة دي.

أضافت: في زميل تاني دوره يمسك بواليا و دي تعليمات لازم تتنفذ.. و في الهدف الأول رامي كان بين انه يطلع مع بواليا او يمسك ياسر و لو كره جت لياسر وقتها هيكون هو اللي مقصر !!.

واصلت: بالنسبه للطرد دول انذارين كل انذار منع هجمه خطيره ده غير انه خرج ٣ كور كان ممكن يتسببوا في اهداف اكتر ده ردي علي اللي بيشكك في مستوى رامي كلاعب اما الناس الي خاضوا في الاعراض و الشرف ف حسبنا الله و نعم الوكيل.

وكان الأهلي حقق فوزا على انبي بهدفين نظيفين ليصل الي النقطة 68 وواصل مزاحمته للزمالك المتصدر بـ70 نقطة.