مرتضى منصور: إحنا فرحانين بالـ VAR مش بالدوري.. عشان بسببه الأهلي مش هياخد حاجة

علَّق مرتضى منصور، رئيس مجلس إدارة نادي الزمالك، على بعض الأمور المرتبطة بالقلعة البيضاء خلال الساعات الماضية، وما تم بعد التتويج بلقب الدوري الممتاز للمرة الـ 14 في تاريخ النادي.

تصريحات مرتضى منصور

وقال مرتضى منصور عبر قناة الزمالك: أي حد عايز ينتقد مرتضى، ينتقد اللاعيبة؛ يتفضل، دي قناة ناديه، بنثبت إن دي قناة الزمالك، لا مشغَّل جوز بنتي بـ250 ألف، وأقول أنا مش عايز الشركة المتحدة، وبعدها أروح بايس الإيد؛ عشان الشركة ترعاني.

وأضاف: بيقولوا أنتوا فرحانين أوي كده ليه؟، احنا بصراحة فرحانين بالـ VAR مش بالدوري؛ عشان بالـ VAR ده أنت مش هتاخد حاجة، وبسببه هتتخانق مع طوب الأرض، وفي الآخر هتروح تكسَّرُه.

وواصل رئيس نادي الزمالك حديثه: كان عندنا مشكلة بسبب أحمد أيمن منصور، وبشكر القوات المسلحة؛ لأنه في بيته من الساعة 2 إمبارح، وأحمد أيمن منصور لاعبًا للزمالك في صفقة انتقال حر.

واختتم مرتضى منصور تصريحاته: يا جمهور الزمالك افرح، محدش هيبوظ فرحتنا، ويا جمهور الأهلي احزن؛ لأن العيب من اللي عندك، اقعد فكر كده الأهلي من سنتين دوري وسوبر وإفريقيا.. إيه اللي حصل؟.

موعد مباراة الزمالك والمصري

ويلتقي الفريق الزمالك أمام المصري البورسعيدي في الثامنة مساء اليوم الجمعة، على ملعب العرب، ضمن منافسات الجولة الثانية والثلاثين لمسابقة الدوري الممتاز.

وتعد مباراة الزمالك والمصري، تحصيلا حاصلا، في ظل تتويج الفريق الأبيض بلقب الدوري بشكل رسمي، ويحتل الصدارة برصيد 76 نقطة، بينما يحتل الفريق البورسعيدي، المركز العاشر برصيد 37 نقطة.