والد حسام حبيب يهاجم مرتضى منصور: مايبقاش ابنك شمام وتتكلم عن ابن الناس

شن حسين حبيب والد الفنان حسام حبيب، هجوما على المستشار مرتضى منصور، بعد هجومه على نجله ووصفه بالشمام.

والد حسام حبيب يهاجم مرتضى منصور

ونشر والد حسام حبيب عبر حسابه الرسمي بموقع التواصل الاجتماعي "فيس بوك" تعليق كتب خلاله: "يا مرتضي يا منصور مع اني بحبك وزملكاوي كبير، بس مايبقاش ابنك شمام مع اني بحبه وتتكلم علي ابن الناس الخلوق وتقول عليه شمام.. مش عايز اقول ربنا ياخدك عشان الزمالك من بعدك هيضيع".

والد حسام حبيب

وكان كتب والد حسام حبيب عبر حسابه الرسمي على موقع التواصل الاجتماعي فيسبوك عن ابنه: "أنت بتقول لما رجعت ليها العربية واحد بيشتغل معاها أخد العربية اللي بخمسة مليون وقالها هابقي اديكي بيها شغل، وواحد محاسب تعرفه قريب شكالها حالة اعطت له 100 ألف دولار وخلع، وإنها بتكتب شيكات للناس علي بياض".

وتابع: "انت كده بتدي مبرر لأهلها ليحجروا عليها وبتطلعها إانها سفيهه وعبيطة، وانا من معرفتي بها إنها واعيه وناصحة.. بتيجي تكحلها تعميها، اسأل ابوك يقولك تقول إيه".

وأضاف: "كنت عايزك تشتغل وتصرف على بيتك عشان تكبر في نظر مراتك وتحترمك.. اخدت مني مليون جنيه عشان تشطب فيلتك وما تعيشش في بيت مراتك وقولت هردهملك".

وأردف: "ومن ساعة ما اتطلقت وأنا بصرف عليك، ورايح تقول لعمرو أديب وتهاجمني لتاني مرة انك ماتعرفنيش من 14سنه.. اه ما بتعرفنيش إلا للمصلحة وعشان تاخد فلوس".

واختتم حديثه قائلًا: "قولت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه، بطل حجج وخليك راجل انت فعلا مش تربيتي انت تربية واحدة ست.. طلعت من بيت مامي علي بيت مراتك يا اخي عرتنا".