عارفة عبدالرسول تكشف سبب اختيار مريم الجندي للمشاركة في ”بالطو”

كشفت الفنانة عارفة بعد الرسول، عن سبب نجاح مسلسل "بالطو" الذي عُرض مؤخرا عبر منصة "Watch it".

وكتبت عارفة عبد الرسول، عبر صفحته الشخصية بموقع التواصل الاجتماعي "فيسبوك": "كلمتين محشورين في زوري حاقولهم ورزقي على الله.. ليه مسلسل بالطو نجح النجاح المدوى ده.. لأنه شبهنا بتاعنا".

وأضافت: "مافيش حد ماشافش حتة منه أو حد شبهه في طرشوخ الليف تقول لنفسك فجأة.. آه والله كان بيحصل كده.. إحنا كممثلين ماكناش إحنا.. بس كنا إحنا".

عارفة عبدالرسول تكشف سبب اختيار مريم الجندي في "بالطو"

وعن سبب اختيار الفنانة مريم الجندي للمشاركة في مسلسل "بالطو"، قالت: "في كلمة قالهالي المخرج عمر المهندس على جنب كده.. لما كان بيعمل الكاستينج للمسلسل دا عشان يلاقي بنت شبهنا من طبقة متوسطة ومن مدينة في الريف تبقى دكتورة في وحدة صحية في أرياف برضه.. كل البنات لاعبة في شكلها وتاتو وشفايف وحواجب.. كلهم دكتور تجميل واحد عامل قالب واحد.. وقع الاختيار على مريم الجندى...مش عشان هي بنت محمود الجندي ولا أخت أحمد الجندى...ولا عشان هي ممثلة كويسة.. رغم إنها ممثلة ممتازة.. ولاعشان كانت في ورشة أستاذنا خالد جلال ولفت لفة حلوو على المسرح.. اتكحرتت يعنى.. كل ده مكانش سبب لترشيحها للدور.. السبب كان شكلها العادي.. بنتنا.. مننا".

مسلسل بالطو

يذكر أن مسلسل "بالطو" مأخوذ عن رواية "بالطو وفانلة وتاب" وهو بطولة عصام عمر، محمود حافظ، محمد محمود، عارفة عبدالرسول، مريم الجندى، عارفة عبد الرسول محمد رضوان، وعدد من ضيوف الشرف أبرزهم وبيومي فؤاد، خالد الصاوى، محمد لطفى، محمود البزاوى، وإخراج عمر المهندس وتدور أحداثه في إطار كوميدى حول مهنة التمريض وما يحدث بدور الرعاية الصحية.