حسن شاكوش: محمد رمضان مجابليش ساعة ألماظ

نشر مطرب المهرجانات حسن شاكوش فيديو لايف عبر حسابه بموقع فيس بوك، نفى من خلاله إهداء محمد رمضاه له ساعة مرصعة بالألماس لعدم استطاعته حضور الحفل.

 

كما أكد شاكوش في الفيديو عدم حصول أي فنان على أجر مقابل إحياء حفل زفافه، مؤكدًا أن جميع من أحيوا حفل زفافه حضروا دون مقابل وعلى رأسهم الفنان تامر حسني.

 

وقال حسن شاكوش: لقيت أخبار بتقول أن النجم محمد رمضان لم يحضر حفل زفافي لانشغاله بتصوير أعماله، ولكن قدم لي ساعة ألماس، ولكن الكلام ده غير صحيح، ومحمد على المستوى الشخصي أخويا وحبيبي.

 

وأضاف شاكوش: أنا عاذر كل واحد عنده تصوير وشغل وما حضرش فرحي، حتى لو فاضي وماجاش حاجة ترجع له ومش هعلق له حبل المشنقة، والفرح ماكنش ناقصه حد، وده فضل ونعمة من ربنا وكنت فرحان بوجود الناس من أعلى واحد لأقل واحد، وبشكر من خلال الفيديو كل النجوم اللي جت واللي مش نجم.

 

وكانت قد انتشرت أخبار تزعم أن محمد رمضان أهدى حسن شاكوش ساعة مرصعة بالألماس تجاوز سعرها الـ 100 ألف دولار تعويضًا لعدم حضور رمضان حفل زفافه؛ بسبب انشغاله بتصوير أعماله الفنية.

 

مفيش نحم حضر فرحي وخد مليم

 

كما نفى شاكوش حصول تامر حسني على أجر مقابل إحياء زفافه قائلًا: لقيت واحد بيقول تامر حسني واخد نص أجر، مفيش نجم جه الفرح وخد مليم كل الناس دي جت لي تجاملني بالحب علشان إحنا الحمد لله كلنا في مهنة واحدة وكلنا بنجامل بعض وبنروح لبعض أفراح وأعياد ميلاد مستحيل نجم يقول لي عاوزك في فرحي وأقول له محتاج أجر.. النجم اللي عاوز يجي وياخد أجر ده حقه برضه لكن مفيش نجم جه الفرح عندي خد مليم ولا جنيه.

 

وأكد حسن شاكوش ، عدم حصول أي فنان حضر حفل زفافه على أجر، وذلك قبل ظهوره في فيديو لايف أكد من خلاله الأمر لجمهوره.