قصة اعتناق ” ليلى مراد ” الإسلام

تحكي ليلى مراد عن قصة اعتناقها للإسلام، و تقول أنها أيقظت أنور وجدى فى فجر أحد الأيام , وسألته :

- سامع يا أنور صوت الأذان ؟

فرد أنور :

= معقولة يا ليلى بتصحينى عشان تسألينى سامع صوت الأذان ؟ أيوة يا ستى سامع

 

- أنت ليه يا أنور ما طلبتش منى إنى أكون مسلمة ساعة ما طلبتنى للجواز ؟

 

= يا ليلى يا حبيبتى أنا اتجوزتك انتى لشخصك وما كانش فارق معايا انتى مسلمة أو يهودية خصوصا أن الإسلام إدانا الحق فى كده , وأنا ما حبيتش أتكلم فى الموضوع ده أبدا عشان مؤمن بإن دى حرية شخصية , وكل واحد حر فى دينه

 

فقالت له ليلى وهى فى حالة من الخشوع والحسم :

- أنور .. أنا عاوزة أبقى مسلمة , من زمان وأنا بافكر فى الموضوع ده , وكل يوم فى الفجر أسمع صوت الأذان وأحس إنى قربت خطوة من القرار ده , والليلة دى قررت إنى أكون مسلمة .

 

فتهللت أسارير أنور , وأمسك كتفيها وهو يقول لها :

= صحيح يا ليلى عاوزة تبقى مسلمة ؟

 

فأجابت والخشوع يسيطر عليها :

- أيوة يا أنور صحيح عن ارتياح واقتناع , وربنا يقدرنى إنى أرضيه وابقى قريبة منه .

وختمت ليلى مراد بأنها نطقت بالشهادتين فى ذلك اليوم , وقامت وتطهرت وتوضأت , وصلت مع أنور ... على غير عادته – ركعتين لله , وأتبعتهما بصلاة الفجر , وعندما أشرقت الشمس استدعت فضيلة الشيخ محمود أبو العيون أحد علماء الأزهر الشريف و أعادت أمامه نطق الشهادتين , وطلبت منه أن يعلمها أصول الدين الصحيح وكيفية أداء العبادات .